Neste segundo día da Semana da Prensa, continuamos co traballo programado en todo o centro.
Os máis pequeniños hoxe fixeron bolas de papel coas que exploraron e se divertiron un montón.
Nas aulas de 2º de Educación Infantil tocou pintar cada un a sua folla de periódico para despois facer un gorro moi colorido.
En 4º de Educación Infantil onte e hoxe estiveron recortando e pegando titulares e fotos do xornal.
En 5º e 6º de Educación Infantil hoxe, entre outras moitas actividades, levaron a cabo as súas sesións de estimulación musical utilizando xornais.
Por último, os alumnos e alumnas de 6º de Educación Primaria tiveron unha vídeochamada con Francisco García, un xornalista especializado no mundo dos vídeoxogos e que lles contou como se cubren as noticias deste tipo e en que consiste o seu traballo.
