A vida de Rosalía de Castro... con marionetas!

A pasada semana, a Nenoteca foi un dos espazos escollidos para levar a cabo diferentes actos conmemorativos do Día de Rosalía, organizados todos eles polo Equipo de Dinamización da Lingua Galega do noso centro.

Neste ocasión, as alumnas e alumnos de primeiro e segundo curso puideron desfrutar dun pequeno teatro de títeres representado polos compañeiros/as de sexto, descubrindo dun xeito lúdico numerosos e diferentes aspectos sobre a vida e obra desta autora, considerada como unha das figuras máis importantes da nosa literatura.

DÍA ESCOLAR DA NON VIOLENCIA E DA PAZ

        Este ano celebramos unha vez máis este día tan sinalado, relacionando o seu significado co lema da biblioteca que vimos traballando desde setembro. 

        Nun acto sinxelo, pero cheo de significado, lembramos a importancia do traballo pola tolerancia, a non violencia e a paz, especialmente ante os acontecementos vividos ao longo do último ano en Europa. 

Felicitación de Nadal

Dende o equipo da Nenoteca queremos facervos chegar os nosos mellores desexos para estes momentos tan especiais. Agardamos que desfrutedes destas datas na compaña dos vosos seres queridos.

Bo Nadal e Felices Festas!

Día Mundial da Infancia

Todos os nenos e nenas teñen dereito á saúde, educación e protección, independentemente do lugar onde naceran. Estando uns ao lado dos outros, podemos construir un mundo máis xusto e igualitario. 

Para dar visibilidade e reflexionar sobre todo isto, o venres viñemos en pixama ao colexio respaldando a iniciativa de ASEAT (Asociación Estatal de Acollemento Familiar), onde co pixama reflexamos ese momento de casa, comidade, de familia... 

Fixemos reflexións, actividades, onde entendemos que as familias non son todas igualis, pero que o importante é ser consciente da sorte que temos e de coidarnos uns aos outros.  

Obradoiro sobre consumo

Este pasado xoves, a Nenoteca recibiu a visita de representantes da Escola Galega de Consumo, os cales nos agasallaron con un obradoiro sobre o consumo responsable. 

Coa vista posta nas celebracións de Nadal, recibimos algunhas recomendacións sobre a publicidade nos diferentes medios e, ademais, a formación necesaria para analizar e comprender as etiquetas dos diferentes agasallos que recibiremos nas próximas datas.

Como remate a este obradoiro, confeccionamos os nosos propios adornos de Nadal, incluíndo as súas correspondentes etiquetas, cos que de seguro engalanaremos os nosos fogares dun xeito especial.

DÍA DA BIBLIOTECA - 24 DE OUTUBRO

Hai días especiais que celebramos dun xeito diferente no cole. Hoxe, é un deses días xa que celebramos o Día da Biblioteca, o noso día. 

Por esta razón, todo o cole empezou falando que é unha biblioteca, que podemos atopar nela e reflexionando sobre a importancia deste espazo no noso día a día. 

Deixámosvos algunhas fotos por aquí. 

OS ENCARGADOS DA BIBLIOTECA

A nosa biblioteca durante este curso abrirá nos tempos de recreos para que todos os nenos e nenas do cole poidan facer uso dos seus fondos. 

Este préstamo de libros levarase a cabo grazas á colaboración dos nenos e nenas de 6º, que tras recibir unha formación sobre como levar a cabo esta labor, comenzan esta semana o seu traballo. 

Sen dúbida, toda a comunidade está moi agradecida pola labor que realizan, e sabemos tamén que eles veñen con moito gusto á Nenoteca a desenvolver o seu labor, porque lles gusta axudar aos demais e traballar neste recuncho do cole.