Este trimestre comenzamos unha nova aventura viaxeira cos nenos e nenas de segundo ciclo de Educación Infantil.
Desde o Equipo de Biblioteca preparamos unhas mochilas viaxeiras para que semanalmente poidan levar a casa fondos da biblioteca e desfrutar deles na casa, en compañía das súas familias.
Dun xeito rotativo e por equipos, cada semana un neno ou nena leva a mochila á súa casa.
Deixamos algunhas fotos para que vexades a ilusión que teñen con esta nova iniciativa.
Un novo curso empeza, e como cada ano, desde o equipo de biblioteca volvemos a levar a cabo actividades de concienciación das normas da Nenoteca, para que todo o mundo coñeza como debemos utilizar este espazo e para que funciona.
Non solo para os máis veteranos que coñecen o espazo e o utilizan dun xeito moi responsable, senon para os novos compañeiros e compañeiras que chegan ao cole, para que aprendan todo o que se pode facer na nosa biblio, que non solo é ler...
Ademais, este ano comenzamos co préstamo de libros a través do programa KOHA, polo que repartimos os carnés da biblioteca a cada alumno e alumna, e comenzamos a xetionar os préstamos e devolucións a través do mesmo.
Un gran reto para o profesorado que levabamos moito tempo traballando para incorporar os miles de fondos que temos na nosa biblioteca, e que por fin se poden prestar dun xeito automatizado.
Un dos obxectivos de mellora que se propuxo o Equipo da Biblioteca para este curso foi catalogar os fondos que a compoñían, dentro do programa da Xunta de Galicia, KOHA.
Como xa sabedes, moitos dos fondos que tiñamos era doados por familias e amigos que sempre se acordan de nós, pero nos últimos anos tivemos a sorte de poder formar parte do Plan de Mellora de Bibliotecas Escolares, PLAMBE, da Xunta de Galicia, e durante o anterior curso escolar, tamén da rede de BIBLIOTECAS INCLUSIVAS, polo que recibimos importantes subvencións.
Grazas a elas puidemos mellorar o mobiliario, a tecnoloxía da biblioteca e tamén mercar numerosos fondos que xa están catalogados, forrados e en funcionamento na nosa biblioteca.
Como obxectivo para o próximo curso temos o préstamo dixitalizado a través do programa, xa que ata o de agora faise de xeito manual. Cada alumno e alumna terán un carné e poderán acceder aos fondos a través dun número de usuario.
Pouquiño a pouco a nosa Nenoteca medra e mellora na súa xestión de préstamo e organización.
Como cada trimestre, a biblioteca colabora con cada proxecto que se fai no cole, emprestando títulos que complementan o traballo da aula.
Este trimestre, os encargados do Equipo de Biblioteca xa fixeron o seu traballo e encheron os estantes das clases con libros sobre as temáticas dos proxectos.
Como cada curso iniciamos o préstamo de libros na biblioteca, cos axudantes de 6º que se ocupan de axudar aos seus compañeiros e compañeiras doutros cursos, e a xestionar os exemplares da nosa Nenoteca.
Moi pronto, este préstamo realizarase a través da plataforma KOHA, na que estamos rexistrando todos os exemplares que temos no centro.
Un novo proxecto e a Nenoteca volver a participar outorgando a cada clase material sobre a temática que lle toca traballar, e completando así todas as bibliotecas de aula.
En cada trimestre levamos a cabo un proxecto diferente en cada curso, e a Biblioteca do cole sempre intenta poñer da súa parte para que estes sexan o máis enriquecedores posibles.
Neste segundo trimestre, de novo, o Equipo da Biblioteca buscou de novo exemplares para cada curso, que xa foron entregados para sumar á biblioteca de aula.
Ademais, recibimos una Maleta Viaxeira do Centro de Extensión Universitaria e Divulgación Ambiental de Galicia, con numerosos libros relacionados co medio ambiente que nos axudan a completar os nosos proxectos de 2º, 4º e 6º de Educación Primaria.
Como cada trimestre, a biblioteca escolar realiza un préstamo de libros a cada clase con títulos relacionados coa temática do proxecto.
Neste trimestre os libros xa están en cada aula e os pequenos e pequenas desfrutando deles.
Seguindo todas as medidas de seguridade que a Covid nos trouxo, neste mes de outubro comenzamos o préstamo de libros na biblioteca, tal e como estaba programado.
No tempo de lectura diario, os encargados previamente seleccionados e organizados polo Equipo de Bilioteca, xestionan o préstamo de libros entre os nenos e nenas do colexio, e deste xeito a nosa biblioteca permanece aberta a todos.
Hoxe comenzaron os proxectos do terceiro trimestre, e a biblioteca outra vez máis pon o seu gran de area aportando libros a cada aula relacionados co tema a traballar.
Os nosos peques agradécenos moito e esperan con ilusión a que o equipo de biblioteca entre na súa aula cos agasallos do trimestre.
Co comezo dos novos proxectos a biblioteca volve outra vez a deixar a súa pegada nas aulas, de novo facendo préstamos de libros relacionados cos mesmos.
Hoxe mesmo realizamos o reparto polas aulas e os pequenos xa teñen á súa disposición todos os fondos que había na biblioteca e que teñen que ver co tema están estudando.
A biblioteca do cole tamén pensou nos pequenos de Educación Infantil e repartiu libros entre as clases do primeiro e o segundo ciclo.
Con este préstamo preténdese achegar a lectura a todos eles, e ademais complementar o seu proxecto con libros que lles axuden a descubrir novas cousas sobre os animais.
Tamén se incluiron libros en inglés para que o teacher poida incluir nas súas sesións contidos relacionados co proxecto e facelo interdisciplinar!
Deixámosvos algunhas fotos para que vexades que caixiñas máis bonitas preparamos para eles!
