Como cada curso iniciamos o préstamo de libros na biblioteca, cos axudantes de 6º que se ocupan de axudar aos seus compañeiros e compañeiras doutros cursos, e a xestionar os exemplares da nosa Nenoteca.
Moi pronto, este préstamo realizarase a través da plataforma KOHA, na que estamos rexistrando todos os exemplares que temos no centro.
A nosa biblioteca durante este curso abrirá nos tempos de recreos para que todos os nenos e nenas do cole poidan facer uso dos seus fondos.
Este préstamo de libros levarase a cabo grazas á colaboración dos nenos e nenas de 6º, que tras recibir unha formación sobre como levar a cabo esta labor, comenzan esta semana o seu traballo.
Sen dúbida, toda a comunidade está moi agradecida pola labor que realizan, e sabemos tamén que eles veñen con moito gusto á Nenoteca a desenvolver o seu labor, porque lles gusta axudar aos demais e traballar neste recuncho do cole.
.jpg)
Empeza un novo curso e aproveitando os primeiros días todos os nenos e nenas de Educación Primaria pasaron pola biblioteca para coñecer como é o seu funcionamento.
Falamos sobre as normas, a colocación do material, como se realizará o préstamo de libros e en que momentos do día...
Ademais, os nenos e nenas de 6º de Educación Primaria recibiron unha formación especial xa que eles serán os encargados de realizar o préstamo de libros no tempo do recreo, polo que estivemos practicando como se debe facer para que todo saia ben.
Seguindo todas as medidas de seguridade que a Covid nos trouxo, neste mes de outubro comenzamos o préstamo de libros na biblioteca, tal e como estaba programado.
No tempo de lectura diario, os encargados previamente seleccionados e organizados polo Equipo de Bilioteca, xestionan o préstamo de libros entre os nenos e nenas do colexio, e deste xeito a nosa biblioteca permanece aberta a todos.
