A BIBLIOTECA DE INFANTIL

Un dos obxectivos para este curso foi a renovación da biblioteca de Educación Infantil. 

Comenzamos facendo un expurgo importante de fondos que estaban deteriorados ou desfasados, e actualizamos a colección con novos títulos. 

Despois, organizamos os libros por temáticas, para facilitar o acceso a todos aos mesmos. 

Tamén xeramos novos espazos de traballo, un recuncho con xogos e fixémola máis acolledora, para que os nosos nenos e nenas se sintan cómodos nela.

Deixámosvos algunhas fotos da nova biblioteca de Educació Infantil. 

SEMANA DA PRENSA

Celebramos un ano máis a Semana da Prensa entre o 10 e o 14 de marzo e traballamos nas aulas desde 0 anos ata 6º de primaria para achegar a prensa a todos os nenos e nenas da nosa escola. 

Con actividades adaptadas a cada idade, variadas e diferentes, achegamos a prensa escrita, gráfica, radiofónica, audiovisual...

Deixamos por aquí algunas das actividades realizadas. 

Por outra banda, tamén traballamos de forma específica na radio da biblioteca, xerando podcast e programadas de radio, e continuamos día a día traballando con este medio. 

MOCHILAS VIAXEIRAS EN EDUCACIÓN INFANTIL

Este trimestre comenzamos unha nova aventura viaxeira cos nenos e nenas de segundo ciclo de Educación Infantil. 

Desde o Equipo de Biblioteca preparamos unhas mochilas viaxeiras para que semanalmente poidan levar a casa fondos da biblioteca e desfrutar deles na casa, en compañía das súas familias. 

Dun xeito rotativo e por equipos, cada semana un neno ou nena leva a mochila á súa casa. 

Deixamos algunhas fotos para que vexades a ilusión que teñen con esta nova iniciativa. 

DÍA DE ROSALÍA

 Un ano máis chega o Día de Rosalía e desde a biblioteca queremos lembrar a súa figura e honrar o seu legado. 

DÍA ESCOLAR DA NON VIOLENCIA E DA PAZ

Un ano máis, o 30 de xaneiro celebramos o Día Internacional da Non Violencia e da Paz. 

Despois de traballar na clase a importancia desde día e o por que da súa celebración, tanto en Educación Infantil, como en Educación Primaria, xuntámonos para dar a importancia que ten este momento do ano e que debemos lembrar o resto de días do mesmo tamén.